Booktráiler: Ons, de Carlos Meixide.
A novela Ons, de Carlos Meixide, é unha das lecturas obrigatorias da materia de Lingua e Literatura Galega de segundo da ESO. Ao alumnado encántalle e tras coñecer á panda de Roi, Suso, Anabel, Fátima e a cadela Rula continúan a saga cos outros libros do autor: Cans, Guitiriz, Arousa e Portugal.
Migración de Meiga a Koha
A Biblioteca do IES da Illa de Arousa mudou neste curso escolar o seu programa de xestión, de xeito que migrou do sistema Meiga ao programa denominado Koha. Este novo programa ofrece varias vantaxes con respecto ao anterior, xa que permite a xestión dos fondos da biblioteca desde calquera ordenador conectado a Internet, a calquera persoa que dispoña dos permisos correspondentes. Anteriormente, só era posible xestionar os préstamos e devolucións desde o computador da biblioteca. Ademais, tamén axiliza o proceso de coller e levar libros mediante o uso dun lector de código de barras.
O catálogo da biblioteca tamén cambiou o espazo virtual. Se queren consultar os nosos fondos deben acceder a esta ligazón.
Marexadas: 25 cadros con collage inspirados no mar
Ata o 30 de maio podedes ver no auditorio municipal a exposición Marexadas, que inclúe 25 cadros de collage realizados polo alumnado de 4º da materia Expresión Artística. Co mar como eixo temático, a rapazada seleccionou imaxes do arquivo familiar e municipal e transformounas mediante a técnica do collage, dándolle unha nova perspectiva. Esta actividade do IES da Illa de Arousa está incluída na liña do Plan Proxecta denominada 'Lingua, patrimonio e coñecemento tradicional'. Máis información nesta ligazón.
Concurso literario do Día do Libro
O Departamento de Lingua Castelá e Literatura convocou un concurso literario con motivo ddo Día do Libro, celebrado o 23 de abril. O certame aínda está aberto, animádevos a presentar o vosdo microrrelato ou poema!
Reto lector 2025
As normas da Biblio
Arranca o novo curso escolar e cómpre ter en conta as normas de uso da Biblioteca. Repara en todas as cousas que podes facer, ven a sacarlle partido!
Volve a revista O Lagartiño!
O alumnado de 4º do Equipo de Dinamización da Lingua Galega retomou este curso a edición da revista O Lagartiño, baixo a dirección do profesor Emilio Cambeiro. A publicación recolle algunhas das actividades realizadas polo noso centro ao longo do curso, así como caricaturas dos profesores, receitas, pasatempos, e os textos gañadores dos concursos de cartas de amor e de contos de medo do Samaín. Botádelle un ollo:
As lecturas deste curso
De primeiro a
cuarto da ESO, profesorado e familias; entre todos, neste curso lemos
unha chea de libros e moi variados! En castelán e en galego; teatro,
novela negra, novela xuvenil, banda deseñada... (fáltanos a poesía,
sabémolo, e amañarémolo). Coñecedes todos estes títulos? Contádenos cal
vos falta ou cal vos gustou.
Club de lectura de familias
Neste curso retomamos o Club de Lectura de Familias, que levaba anos sen organizarse. Comezamos coa novela gráfica Persépole de Marjane Satrapi, e continuamos co clásico de Mark Haddon, El curioso incidente del perro a media noche. Con A crueldade de abril, de Diego Ameixeiras, adentrámonos na novela negra, e remataremos o curso comentando O derradeiro libro de Emma Olsen. Aínda temos pendente o encontro para comentalo. Agardamos continuar no vindeiro curso e que se nos una algún pai ou avó :-)
Subscribirse a:
Publicacións (Atom)