O alumnado de 4º do Equipo de Dinamización da Lingua Galega retomou este curso a edición da revista O Lagartiño, baixo a dirección do profesor Emilio Cambeiro. A publicación recolle algunhas das actividades realizadas polo noso centro ao longo do curso, así como caricaturas dos profesores, receitas, pasatempos, e os textos gañadores dos concursos de cartas de amor e de contos de medo do Samaín. Botádelle un ollo:
O grupo arrancou cunha tradución do italiano, As miñas estúpidas ideas, de Bernardo Zannoni, gañadora do premio Campiello, un dos máis prestixiosos das letras italianas. Sorprendeu e gustou esta primeira e orixinal novela, protagonizada por unha garduña. Continuamos con outra tradución, esta vez, do inglés para o castelán, cun libro que xa é un clásico para a comprensión do autismo, El curioso incidente del perro a media noche, de Mark Haddon. Logo, no Nadal, o Premio Nacional de Literatura Dramática concedido a Paula Carballeira lanzounos a ler a obra As alumnas, que nos levou a reflexionar sobre a propia profesión de docentes. E rematamos o curso con A agonía das folerpas, a primeira novela de Óscar Reboiras, autor rianxeiro con que tivemos o pracer de conversar por videoconferencia. A obra deixounos con ganas de visitar o Xurés e de seguir acompañando á personaxe principal, Fina, nas súas aventuras.
- Campos de fresas, Jordi Sierra i Fabra.
-El tiempo de la verdad, Daniel Blanco.
- El mundo azul, Ama tu caos, Albert Espinosa.