Bibliarousa

Recursos Dixitais

Nestes días de confinamento, non deixedes de ler.

A continuación tedes varias páxinas ás que podedes acceder para non deixar de lado a lectura:

A Rede de Bibliotecas Públicas de Galicia pon á disposición da poboación o seu catálogo de libros e películas en formato dixital.

Como podedes facer?

Se xa es socio/a dunha das bibliotecas da Rede de Bibliotecas Públicas de Galicia, soamente precisas introducir o usuario e contrasinal que che facilitaron na túa biblioteca.

Se non eres socio, pois Rexístrate e coas claves que recibirás, accederás igualmente a Biblio Galicia e ao Catálogo galego. Cando remate a corentena, disporás de 30 días para achegarte á biblioteca a solicitar o carné e seguir gozando das vantaxes de GaliciaLe.

Para acceder ao catálogo pincha AQUÍ

Biblioteca Dixital Mundial. A UNESCO colgou na INTERNET o acceso á Biblioteca Dixital Mundial. Pincha na LIGAZÓN para poder gozar de todo o material do que dispoñen.

Outras páxinas de interese:

- Biblioteca Virtual Galega

- Biblioteca Dixital de Galicia

- Rede de Bibliotecas Públicas de Galicia

Poesía, Libro De Poesía, Romanticismo, Viejo Cuaderno

Dende o IES Illa de Arousa, sumámonos a estas semanas de cuarentena propoñendo ao alumando e familias que reciten algún poema.

Deste xeito, conmemoraremos o día da poesía (21 de Marzo) dende as nosas casas.

Podedes gravalas e envialas ao correo da biblio: bibliarousa@gmail.com para subila, despois ao noso blog.

Candeloria

Celebrando a Candeloria.

Imos conmemorar o casamento dos paxaros repartindo dedicatorias.

A semana Castelao no noso centro

A semana Castelao no noso centro.

Aquí temos algúns dos novos libros da nosa biblio.

Exposición Castelao

Velaquí a nosa exposición sobre a obra gráfica de Castelao.

A nosa derradeira lección do mestre é froito do traballo do alumnado de 4º ESO que, en pequenos grupos, seleccionaron diferentes láminas con cadansúa temática: educación, emigración, ecoloxismo, violencia de xénero...

Relatos en bolboretas

En 3º ESO comezamos este curso coa lectura do relato de M. Rivas "A lingua das bolboretas". Despois de traballar este conto e visionar algunha escena da película, todos queriamos, como é natural, verlle a lingua ás bolboretas. E conseguímolo! Pintámolas de cores e puxémoslle unha lingua con cadanseu microrrelato, comezando por algunha das frases do conto orixinal, entre elas:

Tanto nos falaba de como se agrandaban as cousas miúdas é invisibles…
Cando levades o dedo humedecido a un tarro de azucre…
Ao principio, os meus pais non podían crelo, non podían entender como eu quería ao meu mestre...
Creo que nunca corrín tanto como aquel verán anterior ao ingreso na escola. .
O meu pai contaba como un tormento, como se lle arrincaran as amígdalas coa man…
Encollido na cama, escoitaba o reloxo de parede na sala coa anguria dun condenado.
O medo, como un rato, roíame os adentros.

E así fomos compoñendo as nosas historias. Se queres lelas, achégate á exposición dos nosos "Relatos en bolboretas"

Club de Lectura

No Club de Lectura estamos a tope!! Andamos a ler "O achado do castro" de M. Singala e argallando algo co rap e funk... Irémosvos informando...

Visita de Carlos Meixide

O pasado venres 18 de maio, con motivo da celebración das Letras Galegas 2018, o alumnado de primeiro ciclo solicitou a visita do seu escritor favorito en lingua galega, Carlos Meixide.

Fixeron un gran traballo para sorprender ao autor, como xa vistes na entrada anterior, pero el@s tamén foron soprendidos... Carlos Meixide está a traballar na súa próxima novela e esta está ambientada na Illa de Arousa!! Graciñas Carlos, agardamos con ilusión esta nova achega!!

Carlos Meixide na Arousa

Preparando a visita de Carlos Meixide, deixámosvos unha mostra do traballo das rapazas e rapaces de 2º ESO. Esta é a benvida a un escritor que xa ten o seu club de fans incondicionais na Arousa.
Meixide Internet from María Fé Souto Rego on Vimeo.
Mi película 1 (1) from bibliarousa on Vimeo.

LETRAS GALEGAS 2018

Boas!!! Comezamos coas actividades para celebrar as Letras Galegas 2018. Hoxe, o alumnado de 2º ESO está gozando dun obradoiro de poesía con Dores Tembrás. Tamén teremos a visita de María Solar e Carlos Meixide, quen nos falarán de "Os nenos da varíola" e "Cans", respectivamente...

No vos esquezades que o venres 18 é o día límite para a entrega de relatos no I Concurso de Relatos Letras Galegas 2018.

Dores Tembrás impartindo obradoiro de poesía a 2' Eso.

María Solar falando da súa obra no Auditorio para o alumnado de 3' e 4' ESO

Exposición de María Victoria Moreno, agasallo da Consellería

Exposición María Victoria Moreno

Xogos educativos en Bibliarousa

Xa chegaron os novos xogos á biblioteca, para reforzar contidos de ciencias, lingua, historia... de maneira divertida. Vén á biblio gozar destas novas adquisicións!!