Exposición de caixas de lectura 'A balada dos unicornios'
Concurso de relatos de Samaín
Recomendacións de verán
Marchar para a praia e non levar un libro na man non sería propio dun bo veraneante. Achégate á Biblio e leva libros da Biblio. Déixoche aquí unhas recomendacións por se as dúbidas non te deixan aclararte.
Obradoiro de dobraxe
A Mesa Pola Normalización Lingüística, como cada ano, ofrécenos afondar un pouquiño máis na nosa lingua. Este ano, e repetindo actividade, escollemos o obradoiro de dobraxe. Encántanos poñerlle cara ás voces da nosa infancia. Que pensades que vos dicimos que veu a voz de Son Goku? Unha marabilla escoitalo! Pero é que ademais tivemos a oportunidade de ser dobradores e dobradoras por uns minutos. Algún descubriu a súa futura profesión, estamos seguras!
Orgullo Galego
As portas da nosa biblio sempre van estar abertar para quen poña o galego no lugar que merece. Por iso convidamos aos rapaces de Orgullo Galego, unha iniciativa que busca darlle pulo á lingua, especialmente na internet, á par que promociona a cultura, paisaxe e patrimonio do noso país.
Aprendimos ademais que o galego está e estará nas Redes Sociais e que facer contido en galego pode darnos moitas alegrías!
A poesía é o gran milagre do mundo
Aínda que parece un xénero olvidado, aquí non vai quedar atrás. Por iso, Antía Otero veu facer un encontro-recital co alumnado de 1º e así achegalos un pouquiño máis á poesía. Coñecimos a Penélope, a importancia das mulleres que escriben, a Pippi Langstrump... e falamos do fermoso que é escribir poesía.
Carlos Meixide, unha vez máis
Que gusto dá recibir amigos da Biblio. Carlos Meixide é un deles. Sempre nos acompaña para falar da súa novela e do proceso de escrita. Neste caso, foi recibido polo alumnado de 2º de ESO, que vén de ler a súa novela, Ons, e algúns xa se adentraron na continuación do misterio dos 5 de Ons, con Cans ou Portugal. Se aínda non lestes ningunha das súas obras, ide correndo a coller un prestado, porque é unha moi boa lectura de verán.
Ciencia na biblio. As cremas solares
Club de Lectura na Biblio coa profe de Física. Aida ensinounos a facer as cremas máis solicitadas do mercado, despois de ler !Que se le van las vitaminas!, de Déborah García Bello. Pasámolo moi ben coñecendo as propiedades e beneficios da química do coidado facial, especialmente importante á hora de protexernos do sol ou outros axentes externos. Cada unha fixo ou seu propio ungüento para levar para a casa. Esperemos que funcione!
Club de lectura de adultos. A culpa
Desta volta reunímonos na Meca para, arredor da mesa para falar de A culpa, de María Solar. Foi unha comida de debate sobre o valor dos cartos, o prezo que temos as persoas e ata onde estamos dispostos a chegar, as relacións tóxicas... Dou para moito, desde logo, pero sobre todo, e coma sempre, desfrutamos dun día de boa compañía.
Novidades na Biblio
Aquí vos deixamos as novidades de primavera da nosa Biblio. Achegádevos a facervos cun dos exemplares recén chegados para gozar do sol e do comezo do bo tempo!
One Piece. Descubrir ou mundo otaku da man dun pirata
Club de Lectura Manga
É Entroido!
Despois de tanto tempo, foi un gustazo desfrutar desta xornada de Entroido. Saímos ás rúas ensinar os nosos atavíos, a tocar e rir. E á volta... comer!
O alumnado do centro organizou unha colecta solidaria vendendo as receitas máis saborosas e tradicionais. Un millón de grazas a todas esas mans voluntarias que tanto agarimo puxeron en cada cullerada.
E como non, baile, xoldra, risa...
Se a Candeloria chora, medio inverno vai fóra!
O día da Candeloria é o día no que casan os paxariños e son moitos os que din que pode ser un día clave para a fin do inverno.
Nós aproveitamos para desfrutar do amor, da amizade e da alegría de estar xuntos. Mandamo mensaxes poéticas cargadas de sentimento e desfrutamos da exposición de bicos máis fermosos da historia da literatura, do cine e mesmo da arte.
Cal é ese bico (de ficción!) que non podedes esquecer?
Intrépidas: Club de lectura de ciencias
Club de Lectura. Latidos
Latidos é unha historia narrada a través dunha conversa de whats app, como meterse dentro da vida dunha persoa desde o seu móbil. Desde logo que foi diferente.
O que máis nos gustou? Poñernos na pel deses personaxes que sofren a soidade e o abandona despois dunha gran perda, pero que sempre atopan o seu lugar no mundo e a convivir coa perda, que sempre vén acompañada dunha ganancia.
Recomendámolo? Si, para unha tarde de sol na praia. Animádevos, segue na Biblio.
Subscribirse a:
Publicacións (Atom)