Club de Lectura Manga

 

Neste primeiro Club de Lectura Manga do curso decidímonos por Dr. Stone. Que farías ti se quedas convertido en pedra? Aguantarías máis de 3000 anos sen perdes a consciencia só para volver á vida e que todos estean a durmir? Aquí falamos das nosas sensacións e podedes acceder dende a biblio ao primeiro volume e aos cinco que o seguen. Por suposto, non deixamos pasar a oportunidade de probar delicias que chegan da outra punta do mundo. 

Actividades contra a Violencia de Xénero en Bibliarousa

Esta tarde tivemos sesión de Club de Lectura extra co alumnado de 1º ciclo e as familias. Traballamos as emocións e a igualdade de xénero a través do filme El revés. Filme, coloquio e patacas fritas para celebrar o Día Contra a Violencia de Xénero. 

Esta actividade completouse co concurso de relatos contra a violencia de xénero no que participou este alumnado, en colaboración coas familias. 

GAÑADOR@S DO CONCURSO DE RELATO:

1º PREMIO: CANDELA PANADERO DIOS (1º ESO A)

2º PREMIO: LAURA CORES DIOS (2º ESO A)

3º PREMIO: XOEL OTERO NOGUEIRA (1º ESO C)

PARABÉNS!!!!!

CONCURSO CABAZAS SAMAÍN 2017

Non vos esquezades que este martes se celebra o Concurso de Cabazas en Bibliarousa neste Samaín 2017.

Como podedes concursar? O martes 31 tedes que traer unha cabaza preparada e decorada. O voso nome non pode estar visible, tédelo que indicar na base da cabaza. 

No recreo, as vosas compañeiras e os vosos compañeiros votarán as máis orixinais, creativas, o traballo que vos deu... 

Xa hai moita xente anotada para participar e ti, a que esperas????

Mara Dios opinando sobre Escarlatina, a cociñeira defunta

Crítica

Gustoume moito, ademais lémolo mentres estabamos en Halloween e deu moito misterio.

Está moi ben, así que non esperes máis e cómprao!

(Editorial Xerais)

De volta

Un curso máis, a biblioteca do IES Illa de Arousa bota a andar. Así comezamos:

• Apertura da biblioteca nos recreos, agás o venres,
• Información das actividades na xuntanza de pais e nais,
• Sesións de acollida para 1º ESO,
• Convocatoria dos clubs de lectura bibliarousa para o venres, 3 de outubro, no recreo.

LENDO E LENDO

Novas propostas para os clubs de lectura:

- bibliarousa 1. Abdel, de Enrique Páez. Abdel é un rapaz  tuareg nómade que un día ve como cambia a súa vida: o seu pai,  Yasir,  decide emigrar a España procurando mellor vida; pero a viaxe vai estar chea de dificultades.  Una novela  que aborda o  tema da inmigración ilegal. Velaquí unha curta animada dos primeiros capítulos da novela, feito por Carlos Aldana, un rapaz guatemalteco que fixo a súa primeira curtametraxe cando tiña 16 anos.

-

 - bibliarousa 2. Donde los árboles cantan, de Laura Gallego.Viana, a única filla do duque de Rocagrís, está prometida ao novo Robian de Castelmar desde que ambos eran pequenos. Os dous ámanse e casarán na primavera. Con todo, durante a celebración do solsticio de inverno, alguén advirte ao rei de Nortia e os seus cabaleiros da ameaza dos bárbaros das estepas... e tanto Robian como o duque vense obrigados a marchar á guerra...

- bibliarousa +. As voces baixas, de Manuel Rivas."Todos e todas levamos dentro voces altas e baixas. A todos nos pode saír nalgún momento o ego napoleónico ou a voz do cacique. A cuestión é telas controladas: preocuparse cando nos saen esas voces altas".
"No tempo histórico que abrangue o libro, nese período de prohibicións e constante vixianza do ollo panóptico do poder, as mulleres vivían moito máis amarradas que os homes"

Os Simpsons

Xa estamos de volta traballando no club de lectura Bibliarousa.  Tal como dixemos, a nosa próxima "lectura" será a serie animada Os Simpsons. Para introducir o xénero de banda deseñada, comentamos unhas nocións básicas sobre esta técnica:

• Que é un cómic?
•  Que é un manga (漫画)?
•  Por que os xaponeses debuxan os ollos tan grandes se eles os teñen tan pequenos?
• Conseguiremos que Kiko Dasilva nos fale da súa obra e da banda deseñada galega? Por certo, non deixedes de visitar a I Exposición de cómic internacional que se expón estes meses no Auditorio da Illa.

E falamos tamén da orixe, a autoría e as curiosidades desta serie. Quedamos en ver o capítulo que se emite o xoves, 19 de xaneiro, ás 21 h., en Neox, para comentalo na sesión do venres.

AVISO CLUB DE LECTURA BIBLIAROUSA +
O libro Mutilada que debemos comentar   na próxima sesión do día 24 de xaneiro, está descatalogado polo que vai ser difícil que o poidamos ler todos os intrgrantes do club de lectura. De todos os xeitos quedamos para falar da película Mooladé, de Ousmane Sembene. Se non a podedes conseguir, preguntade no instituto ou navegade un pouco pola rede. Ata o martes!

Charlie e a fábrica de chocolate

Rematamos a lectura de Ralatos escalofriantes e, para despedir este magnífico autor, pensamos que o mellor sería ilustrar algunha das súas obras con escenas de películas. Escollemos a película Charlie e a fábrica de chocolate. basada na obra homónima deste escritor. Se queredes ter "infansia" - como di Xián- non deixedes de vela e aquí estaremos o venres no recreo para comentala. Lembrade que esta será a última sesión do club Bibliarousa antes das vacacións e, xa que logo, faremos algo moi especial.
Quen atopará os billetes (moedas) dourados?

Arrepiantes

Así son os Relatos escalofriantes de Roald Dahl: sorprendentes, engaiolantes, arrepiantes... Seguimos "enganchad@s" con estes contos fermosísimos que nos fan reflexionar sobre moitos aspectos da natureza humana: a cobiza, a vinganza, o engano... Creo que tod@s maduramos un pouquiño máis despois de ler a este escritor extraordinario. Recomendamos, tamén, outra obra súa magnífica: Relatos de lo inesperado

Benvid@s

Por fin, botamos a andar. Despois de moitas dificultades, comezamos as clases e, xa que logo, a nosa biblioteca volve abrir as portas para tod@s @s usuari@s da biblio.

Comezamos xa as actividades do club de lectura Bibliarousa, falando das posibles lecturas para este curso. Unha vez máis, o misterio e o terror parecen ser os temas preferidos para comezar o curso. Escollemos Relatos escalofriantes, de Roald Dahl, un autor ben coñecido por todos nós xa que Quen non viu a película Charlie e a fábrica de chocolate ou non leu Matilda ou As Bruxas? Parece que este autor vén sendo un dos preferidos. Esperemos que tamén gocemos destes Relatos escalofriantes. Escollemos para a primeira sesión o relato "Tatuaje". Vémonos, coma sempre, os venres no recreo.

mirando o mundo coas nosas gafas violeta

No noso club de lectura seguimos comentando o libro "El diario violeta de Carlota" onde aparece, entre moitos outros, o tema da publicidade sexista que nós ilustramos con fotos de anuncios publicitarios ben coñecidos: Axe, Dolce & Gabana, Barceló... Para completar este tema, velaquí unha mostra da relación entre este tipo de publicidade e a violencia de xénero:

As nosas gafas violeta

Como podedes VER, na ultima sesión do club de lectura fixemos as nosas gafas violeta coa intención de mirar o mundo a través delas, é dicir, observar condutas machistas, actitudes de homes e mulleres que non respectan o espazo e os dereitos da muller. Xa vos contaremos!!!

O diario violeta de Carlota

Este é o novo libro que escollemos para comentar no noso club de lectura.

A protagonista desta historia é Carlota, unha rapaza que acaba de cumprir 14 anos e a súa avoa regálalle un diario.

• Quen decidiu que, en asuntos amorosos, os rapaces teñan que tomar a iniciativa?
• Por que a cor azul ten que ser a cor dos rapaces e a rosa, a das rapazas?
• Por que está mal visto que choren os homes?
• Por que é máis importante o aspecto físico das rapazas que o dos rapaces?

Carlota descobre tamén as cifras arrepiantes: o 70% dos pobres da Terra son mulleres, o 65% dos analfabetos da Terra son mulleres…

En todo isto vai pensando Carlorta mentras comeza a mirar o mundo coas súas gafas cor violeta.

Boas novas!!!!

O noso club de lectura foi incluido, un ano máis, na rede de bibliotecas escolares. Isto supón unha achega económica importante que nos permitirá seguir coas nosas actividades pero mellorando os medios, por exemplo, poder dispoñer de exemplares para cada lector.
Como esta actividade nos parece interesante e divertida, decidimos ampliar fronteiras e propoñer a constitución dun club de lectura para os pais e nais que se animen . Para falar deste tema, agardámosvos o martes, 18 de xaneiro ás 8 h., no instituto. Trataremos das lecturas ou películas que nos poidan interesar, das datas de reunión...

Outra Carrapuchiña Vermella.

Interpretación do conto da Carrapuchiña Vermella por parte de Paula Carballeira. Un pouco rotunda e destrutiva pero ben breve. Para o Club de Lectura... Pinchade aquí.

A ilustración é de Carmen Segovia Moreno.

lobishome

Seguindo co ciclo de terror,comentamos o conto O lobo da xente de V. Risco.
Para completar o estudo do lobishome, escollemos unha escena da película
En compañía de lobos de Neil Jordan na que se fai unha revisión do mito da carapuchiña vermella. Nós escollemos a escena na que a carapuchiña chega á casa da avoa e descobre quen é, de verdade, o lobo.

lecturas terroríficas

Levamos xa unhas cantas sesións do club de lectura falando do terror. Velaquí algunhas das lecturas arrepiantes:
Sobre a morte do Bieito, un conto extraordinario de R. Dieste
El gato negro, un relato que abofé que che mete o medo no corpo.
Preparádevos para a seguinte lectura: O lobo da xente, unha narración de V. Risco que retoma a lenda do lobishome.
Que animais terroríficos nos agardan para as seguintes lecturas?????

Muros

Despois de falar das pontes, cada un de nós fomos escollendo a imaxe coa que nos identificamos: Susana, un muro; Ana, unha ponte; Laura, ás veces ponte e ás veces muro; Carmela, un muro con portiña...
Lemos, para a próxima sesión a canción de O Muro de Pink Floyd

Pontes

Como non podía ser doutra maneira,
no aniversario da construción da ponte da Arousa,o club de lectura Bibliarousa bota a andar falando precisamente deste tema. Ao tempo que iamos construindo as nosas pontes, fomos falando do que significa para cada un de nós, das melloras que supuxo e falando e falando váisenos o tempo...

Aquí vos deixamos uns poemiñas para ilustrar estes comentarios.
Eu cheguei desde antes das orixes.
Ti estabas máis aló, na outra beira,
e xuntos atravesamos todas as pontes.
Claudio Rodríguez Fer

No son pies invasores los que cruzan
los nuevos puentes, ni los crueles carros
del odio y de la guerra:
son pies pequeños de niños, firmes
pasos de obrero.
Sobre los nuevos puentes
pasas, oh primavera,
con tu cesta de pan y tu vestido fresco,
mientras el hombre, el agua, el viento
amanecen cantando Pablo Neruda
Na próxima sesión seguiremos lendo, escoitando cancións e pensando no significado das "pontes" e dos "muros"

Polo rius abaixus vai unha troitae de pé

Manolitus e Carmiñae están namorados,

O Emperador e Arpexia opóñense a este amor,

Uns ladróns ( un parvo e o outro tamén) quérenlle roubar o medallón ao Emperador...
Todo isto sucede na comedia de M. N Singala, O achado do castro , a obra de teatro que escollemos para rematar o curso. Risas aseguradas coa magníficae actuacionis dos nosus actóribus e actrízaes. Mola este latín macarrónico!!!