Reunión do Club de Lectura Manga: Fairy Tail

O gremio de magos de Fairy Tail xa nos conquistou. Reunímonos para charlar e compartir impresións sobre esta nova lectura e o certo é que tivo moi boa acollida, así que imos adentrarnos no segundo volume deste Manga, que tamén ten a versión anime. As lectoras e lecotres compartimos impresións e trucos para desfrutar da literatura xaponesa.

O voluntariado na Biblio: outra forma de entrar no mundo dos libros

Neste curso entramos de novo no programa Bibliotecas Solidarias. O certo é que un dos programas máis satisfactorios que realizamos. Un gran número de alumnos e alumnas sumouse ao programa e cada recreo temos un lote de mans axudando nas tarefas diarias da Biblio. Isto dá soporte á Biblioteca, pero tamén se meten de cheo detrás dos libros. Coñécenos, lenos, compártenos e vólvense así parte da súa vida diaria. Tamén son as responsables de organizar eventos, actos, concursos... dá gusto. E sobra dicir que non poderiamos ter mellores axudantes! Eficientes, resolutivs, curiosxs... Que gusto rodearse de xente así!

Xogamos?

A palabra xogo actívanos a todos dun xeito case primario. É por iso que na Biblio non escatimamos na adquisición de xogos de mesa. Encántannos e encántanos xogar en gran grupo. En canto temos ocasión, argallamos unha xornada de xogos de mesa. Son divertidos, estimulantes, didácticos

Día da poesía

Os caligramas son unha boa forma de "ver" a poesía, non si? O alumnado de 1º colleu os libros da biblio para convertelos en fermosos caligramas, que encheron de cor os corredores, a biblio e as aulas.

Volve o Club de Lectura Manga

Nuha segunda entrega do Club de Lectura Manga leremos Fairy Tail, de Hiro Mashima. Foi unha recomendación dos propios lectores, expertos nestes temas, e non llela imos negar! Alguén o leu xa? Que impresión vos causou?

Mulleres

O 8M quixemos render unha pequena homenaxe a todas aquelas que foron abrindo camiño, esas que loitaron non só por elas, senón polas que viñamos despois. Nunca nada será comparable á súa loita por un mundo máis igualitario, pero é un pequeno gran xesto do alumnado de 1º do IES da Illa de Arousa. 

Velaquí as infografías que colgamos na entrada da Biblio. Con cal quedades vós?

O Grupo co Grupo

Escollimos este libro máis co corazón que coa cabeza. Ás veces a portada, o título... impúlsanos a escoller unha ou outra lectura. Neste caso foi o nome das protagonistas o que nos levou a decantarnos por el, porque quen non se sentiu máis próxima a un compañeiro de onomástica algunha vez? Escollimos xuntarnos na praia. O vento era forte pero gozamos de analizar a nosa personaxe preferida ou de poñernos na súa pel e ver como reaccionariamos nós se foramos Carla, Antón ou Runa. É unha novela para pensar, para reflexionar e poñernos na situación de quen carga ás veces cunha gran mochila. Animádevos!

Bo ano lector!

Na Arousa despedimos este ano coas lecturas que máis nos gustaron. E construímos unha grande árbore, para devolverlle ás follas ese seus estado orixinal por un anaco. E qudou ben xeitoso, non si?

Nadal de libros

O ano acaba, e con el facemos memoria dos libros lidos e listaxe dos que veñen. Por iso deixamos aquí as suxestións lectoras que podedes incluír nos propósitos do vindeiro ano. Botádelle un ollo e animádivos tamén a facer suxestións!

Club de Lectura. Sibila

Dunha Illa a outra Illa. Unha sen nome que non fixo senón mergullarnos en todas as illas que hai en nós. Rosa Aneiros nuca defrauda e deixounos un Club de Lectura cheo de reflexións.

A lingua, os topónimos, os personaxes, as relacións... deixáronnos atrapadas, como prendidas do fío vermello do vestido de Amalia, dos ollos de Minina ou dos paxaros de Miluchas. Nós tamén queremos beber agora auga da fonte de Setestrelo.

 

25N

 No IES da Illa de Arousa conmemoramos un día sinalado no calendario para espertar conciencias e loitar contra a violencia de xénero, unha das maiores lacras socias da actualidade. Todos e todas debemos aportar o noso gran para crear unha sociedade igualitaria.

Ademais, o alumando de 4º, tras un acto de recordo ás vítimas e concienciación, recibiu a Caxoto para escoitar "Micromachista, eu??".

Na Biblio poderedes atopar bibliografía moi interesante. Ler axudaranos sempre a construír un mundo mellor.

Mangamanía

 O xoves reuniuse unha nova delegación Manga na Arousa. E case por unanimidade decidimos que nos imos aventurar a ler Haikyuu, un manga sobre a afeción polo vóleibol.

Se vos présta, aínda estades a tempo de vos unir, pero sede rápidos porque estamos case completos e os libros esgotados nas librarías! Vese que non fumos os únicos aos que lles gustou a idea.

Samaín na Arousa

 A semana de defuntos é moi especial na Arousa, como todos e todas sabedes. Chocolate, día de pedir, visitar o cemiterio... e no IES non ía pasar o día da celebración.

Por iso decoramos a Biblio para darlle a benvida aos máis intrépidos e seleccionamos os libros só aptos para persoas non sensibles.

E fieis á paixón por contar historias, o alumnado de 3º e 4º visitou as aulas de 1º e 2º respectivamente. Contáronlles contos da literatura de tradición oral, lendas urbanas terroríficas, tanto que ata parecían verdade! E puxéronlle voz aos contos de Fole, Dieste, Docampo ou Ferrín.

Sen dúbida estarrecedores!

Aproveitamos as sesións para recuperar unha tradición da Arousa, que explicou a profe Helena: as candeas de defuntos, para recordar aqueles que xa non están, con amor e nostalxia en días así.

Grazas a Pedro, Sara, Lucía, Ángela, Adriana e Silvia de 4ºBpola valentía e os ensaios.

Grazas a Alejandra, Carmen, Alba, Diana, Daniela, Cristina, María, Adrián, Mara Ot. e Mara Ou. pola escenificación! Case morremos co medo!

Deixámosvos con algunhas fotos e vídeos para recordar os bos momentos (malos para os máis medicas).