Bibliarousa

ENTROIDO

O vindeiro venres 13 de febreiro celebraremos no noso IES o ENTROIDO. Aproveitando esta festividade imos a invitar a todo o alumnado a participar en 2 concursos. Aquí deixamos os carteis:

Animamos a participar a todo o noso alumnado.

Club de lectura de 4º ESO

CLUB DE LECTURA DE 4º ESO

A semana pasada tamén tivemos a xuntanza co noso alumnado de 4º ESO B, para comentar o libro escollido "Mangata".

Xuntanza á que lle quitamos moito partido.

Moitas grazas ao noso alumnado.

CLUB DE LECTURA FAMILIAS

O pasado mércores 12 de novembro, reuniuse o club de familias para comentar o libro "La muy catastrófica visita al zoo".

Xuntanza moi interesante. E agora a pola segunda lectura "Beleza vermella" de Arantxa Portabales.

As clases de Cultura Clásica na biblioteca

O alumnado de cultura clásica, cada dúas semanas, para unha hora na biblio do noso IES, onde non só aprenden sobre mitoloxía clásica, pois tamén comentan, analizan e relacionan as noticias en común. En fin, tratan de darlle vida á NOSA biblioteca.

NOVIDADES DA NOSA BIBLIO (Setembro - Outubro)

Presentamos algúns dos libros que mercamos durante estes meses de curso.

Club de lectura

Igual que en cursos anteriores, xa comezamos cos nosos clubs de lectura. Durante as semanas pasadas, estivemos facendo a 1ª xuntanza para elexir títulos:

Concurso Relatos de medo

Aquí temos o 1º concurso:

En colaboración co equipo de dinamización e de actividades extraescolares e complementarias, organizamos o concurso de relatos. Como moi tarde debedes entregalo o 30 de outubro. Tendes máis información nas bases:

A nosa biblio

Comezamos un novo curso e a nosa biblioteca xa está en funcionamento.

En breve, presentaremos as nosas novidades.

Clubs de lectura 2024/2025: vídeo de fin de curso

Booktráiler: Ons, de Carlos Meixide.

Booktrailer en instagram

A novela Ons, de Carlos Meixide, é unha das lecturas obrigatorias da materia de Lingua e Literatura Galega de segundo da ESO. Ao alumnado encántalle e tras coñecer á panda de Roi, Suso, Anabel, Fátima e a cadela Rula continúan a saga cos outros libros do autor: Cans, Guitiriz, Arousa e Portugal.

Migración de Meiga a Koha

A Biblioteca do IES da Illa de Arousa mudou neste curso escolar o seu programa de xestión, de xeito que migrou do sistema Meiga ao programa denominado Koha. Este novo programa ofrece varias vantaxes con respecto ao anterior, xa que permite a xestión dos fondos da biblioteca desde calquera ordenador conectado a Internet, a calquera persoa que dispoña dos permisos correspondentes. Anteriormente, só era posible xestionar os préstamos e devolucións desde o computador da biblioteca. Ademais, tamén axiliza o proceso de coller e levar libros mediante o uso dun lector de código de barras.

O catálogo da biblioteca tamén cambiou o espazo virtual. Se queren consultar os nosos fondos deben acceder a esta ligazón.

Marexadas: 25 cadros con collage inspirados no mar

Ata o 30 de maio podedes ver no auditorio municipal a exposición Marexadas, que inclúe 25 cadros de collage realizados polo alumnado de 4º da materia Expresión Artística. Co mar como eixo temático, a rapazada seleccionou imaxes do arquivo familiar e municipal e transformounas mediante a técnica do collage, dándolle unha nova perspectiva. Esta actividade do IES da Illa de Arousa está incluída na liña do Plan Proxecta denominada 'Lingua, patrimonio e coñecemento tradicional'. Máis información nesta ligazón.