Plan Mellora de Bibliotecas Escolares

O noso centro foi seleccionado no Plan Mellora de Biliotecas Escolares para o curso 2009-2010. A participación neste proxecto suporá unha importante dotación económica que terá como destino a renovación de fondos e a adquisición de mobiliario e equipos informáticos. Todo isto ten por finalidade facer da nosa biblioteca un espazo acolledor para a lectura e interesante para a aprendizaxe.
Xa sabedes que podedes levar libros para ler no verán. Boas vacacións!!!!

Despedida ?

Despois de facer unha valoración de todo o curso, de comer chocolate (o noso alimento fetiche) e de despedir como se merecen aos que se nos van...
Por que non seguimos participando coas nosas lecturas a través de xuntanzas virtuais?

Benedetti no club de lectura

Ninguén mellor que Benedetti para comezar este ciclo de microrrelatos. Este escritor morreu o pasado 17 de maio e, desde o club de lectura queremos renderlle unha merecida homenaxe. Na próxima sesión leremos microrrelatos e poemas deste autor. Velaí vai unha pequena mostra, adicada a todos os habitantes da illa máis illa de todas as illas.

Isla

Cada ser humano es una isla. En el mejor de los casos,
pertenece a un archipiélago. Aún así, cada isla es distinta de las otras.
Algunas son fértiles, pródigas, ubérrimas.
Otras son áridas, magras, resecas.
Cada ser humano es una isla, donde sólo convive con su conciencia y en ocasiones con un lago quieto que le informa sobre
qué rasgos asume su rostro de náufrago.
Cuando el ser humano se aburre de su soledad,
entonces se comunica con otra u otras islas, a nado, o en balsa,
en lanchas o en canoas. Y en la otra isla conoce a otros náufragos
y también a otras náufragas y a veces se enamora.
El amor une a las islas como una corriente.
A veces dos islas copulan y nace un islote.

Microrrelatos no club de lectura

Acabamos o ciclo de ciencia ficción partindo deste suposto: se a especie humana desaparecese da Terra, que tipo de obxectos poderiamos deixar como testemuño da nosa cultura? Entre todos fomos propoñendo diferentes elementos que nos caracterizan, que nos definen como humanos, tales como: un reloxo, un ordenador,un libro de Historia, restos vexetais e animais...
Despois de facer estas reflexións, vimos dúas escenas da película Farenheit 451 e falamos do que significaría unha sociedade na que non houbese o dereito de ler..
Propoñemos para a próxima sesión do club de lectura, comezar con microRRELATOS,un formato breve de lectura intensa. Vémonos, coma sempre, o venres no recreo.

libros

Libros

View more presentations from barcarola.

Despois de ver estas fotos, decídenos se credes que é suficiente un día do libro ou precisariamos de varias vidas para poder ler e comentar a cantidade de boas historias andan por aí...

Ciencia ficción: Delivery

Xa que no Club de Lectura andamos a voltas coa ciencia ficción, recomendámosvos esta curtametraxe de animación, onde ademais son tratados o medio-ambiente e o poder humano para modificalo, como nese Efecto Bolbolreta do que falamos o venres. Leva por título Delivery (Envío Postal) e o seu autor é Till Nowak.

vía Capítulo 0.

Ciencia Ficción III

Despois de ler El ruido de un trueno, da antoloxía Los mejores relatos de ciencia ficción, seguimos con Deserción de Clifford D. Simak e Lección de Historia, de Arthur C. Clarke.

• Deserción. Un astronauta e o seu can son enviados ao planeta Xúpiter para averiguar por que non voltou ningún explorador das anteriores expedicións.


• Lección de Historia. A humanidade extinguiuse por mor dunha poderosa Era Glaciar. Unha nave pilotada por extraterrestres tenta interpretar a orixe da raza humana e o seu destino final.

Vémonos o venres, día 17 de abril, no recreo.

Linguas

Xa comentamos a nosa intención de ir configurando este blog en distintas linguas para facer posible a idea de que cantas máis linguas falemos, mellor nos entenderemos". Tócalle agora ao italiano que, por ser unha lingua románica, resúltanos moi familiar. Ciao

ciencia ficción II

Seguimos co noso percorrido a través da ciencia ficción.
Despois de ler A sombra cazadora, escollemos agora a antoloxía Los mejores relatos de ciencia ficción, de Ray Bradbury. Para a próxima sesión, comentaremos o relato El ruído de un trueno. Trata dunha viaxe á Prehistoria, cando a Terra aínda estaba habitada polos dinosauros. A caza dun destes exemplares cuestiona a importancia que pode ter un pequeno cambio na Natureza.

Recomendamos, tamén, a película Farenheit 451, basada na novela homónima de Ray Bradbury.

O Fío de Ariadne

Aproveitando o mito do Minotauro que aparece n'A Sombra Cazadora, no Club de Lectura xogamos con fíos, enleados por toda a biblioteca, que nos levaban ás distintas pantallas que están presentes nas nosas vidas: a da televisión, a do móbil, a da webcam, a das cámaras fotográficas e a das cámaras de vídeo.

A sombra cazadora (II)

A banda sonora d´A sombra cazadora:

"E que é dos nenos que escapan da casa?", Tom Waits:


"Vexo erguerse a mala lúa, vexo unha ameaza no camiño", Credence Clearwater Revival:



"Repara ben, é outro día para ti e para min no Paraíso". Phil Collins:



" Non chores, irmá, que mañá é outro día", J J Cale:

A sombra cazadora (I)

Puido servirlle de inspiración esta película a Suso de Toro?



Poltergeist (1982), de Tobe Hooper, escrita por Steven Spielberg

Un Amor de biblioteca

Un ano máis, a biblioteca expón unha escolma de textos relacionados co amor: desde os poemas de Catulo ata Celso Emilio, pasando por Benedetti e Rosa Aneiros. Tamén podes consultar os libros e películas relacionados con este tema que se mostran na biblioteca.
Se estás namorad@ ven á biblioteca. Se non estás, tamén.